Главная » Наш приход » АРТ- раздел » Поэзия » Стихи на церковно-славянском языке

ВИТАЛИЙ ЕВГРАФОВ

Стихи на церковно-славянском  языке


   

            * * *


На
дежде ненадеемых

 И помоще не чающих,

 И в бедах заступление

 На Тя всех уповающих,

 Святая Богородице,

 Нам испроси прощения

 И помощь Твою скорую

 Всем низпосли в смущении.

 

                        * * *

 Боже, мое виждь смирение оком

 Благоутробным, от скверны врачуя,

 Яке помале, во плоти убогой,

 Жизнь моя вся иждивается всуе.

 Несть мне спасения мыслей от злобных,

 От студных дел, сего ради молюся:

 Виждь оком, Господи, благоутробным

 Кротость мою, да Тобою спасуся.

 

               *   *   * 

 Мати света Богородице,

 Умоли, Благословенная,

 Христа Бога Жизнодателя

 Нам простити прегрешения,

 

Нас избавити от лютости,

 И от всякаго злодействия,

 От душевнаго смущения,

 От уныния житейскаго,


 Жития нам исправления,

 Веры с малую горчичицу, –

 Песнословием, любовию

 Присно чтущим Тя, Владычице, –

 

Утро днесь совозсияти всем

 И подати милость велию,

 И сподобити Небесная

 Улучити нам веселия.

 

             *   *   *

Твоего судища страшнаго,

 Неумытнаго и грознаго,

 Христе Боже Вседержителю,

 Во уме прием и день, и час.

 

И трепещу, яко тать в нощи,

Искони студа деяния

И дела имеяй лютая,

Яже аз содеях истово.

 

Темже страхом Ти припадаю,

Многогрешный и неправедный,

Вопия Тебе болезненно:

Многомилостиве Господи,

 

Умолением Тя рождшия

Не отрини мене грешнаго,

Помози ми и помилуй мя,

И избави от погибели.

 

 

            ДНЕСЬ

Днесь воскресл еси тридневный

Из безжизненнаго гроба

И возвел еси нас грешных

Врат от смертных, царства злобы.

 

Чудо видев, ужасеся

Ад, отныне сокрушенный,

И небесныя днесь силы

Славят Господа вселенной.

 

Днесь Адам ликует с Евой,

Мир державу воспевает

Власти Твоея, Всесильне.

…И весна благоухает.

 

                *   *   *

Срашный Твой Престол Божественный,

Житие мое лукавое:

В пору горькую, в час бедственный

Обвинят дела неправая.

 

Кто избавит мя тогдашния

Нужды, скорби и унылости,

Не помилуеши аще Ты,

Христе Боже, яко Милостив.

 

 

          *   *   *

Егда поставятся на суд

Престоли Господа святии

И пред судищем Его тут

Преклонят человецы выи,

 

Царь воина ли упередит? -

Не преимуществит владыка

Раба пред взором Судии,

Собравшаго судить языки. 


Тут кийждо бо от дел своих

Или прославится десницей

Господней, средь Своих святых

Или, отвержен, постыдится.

 

 

          *   *   *

Дева днесь в ночи раждает

Мир сотворшаго пресветлый

И земля вертеп укромный

Неприступному приносит;

 

Сонмы ангелов небесных

С пастырьми стад славословят;

От восток волсви же путь свой

Со звездою совершают;


Нас бо ради днесь родися

Младо Отроча, и в яслех –

На престоле херувимстем –

Спас могущий, Бог превечный.